Чеферин потврди дека Реал, Барса и Јувентус се уште можат да бидат исфрлени од ЛШ

Претседателот на УЕФА, Александар Чеферин изјави дека Реал Мадрид, Барселона и Јувентус се уште можат да бидат исклучени од Лигата на шампиони.

Трите клуба, кои беа меѓу основачите на Суперлигата, се единствените кои се уште не се откажуваат од проектот и уште тврдат дека може да биде реализиран.

Поради тоа се чека одлука од Дисциплинската комиција, откако претходно судот во Мадрид даде зелено светло конечната одлука да ја донесе УЕФА.

„Во моментов има жалба на одлуката на нашата жалба од нивна страна и сега ја чекаме одлуката. Кога процесот ќе заврши ќе може да делуваме. И секој клуб може да биде казнет, без разлика како се вика, па дури и ако е европски шампион. Правилата се исти за сите, сите клубови имаат ист третман. Така да можеме да ги исфрлиме Реал, Барса и Јуве, но за тоа решава дисциплинската комисија која е независна“, рече Чеферин.