Чеферин го кажа својот фаворит за освојување на Европското првенство

Првиот човек на УЕФА, Александар Чеферин смета дека Германија е главен фаворит за освојување на Европското првенство.

Германците турнирот го отвораат во петок со натпреварот против Шкотска.

„Разговаравме со пријателите и веќе им кажав. За мене Германија е најголем фаворит. Во последните години не им одеше, но сега играат пред својата публика и имаат добар тим“, изјави Чеферин.

Покрај Германија издвои уште три репрезентации.

„Тука се Франција, Англија и Португалија како селекции со добри шанси. Никогаш не треба да ја потцените и Шпанија. Од позадина своја шанса би можеле да чекаат Хрватска, Белгија, Холандија, па и Данска“, смета Чеферин.