Червар: Одлуката не беше лесна, но Хрватска е мојата татковина

Ракометната федерација на Македонија во неделата објави на својата интернет страница дека Лино Червар повеќе не е селектор на националниот тим.

Сега трофејниот тренер прв пат се огласи напуштањето на клупата на Македонија и превземањето на хрватската репрезентација.

„Одлуката не беше лесна, но Хрватска е мојата татковина, го кажав тоа и во Македонија која ме задолжи и поради тоа верувам дека ќе останеме во добри односи. Да вистина е дефинитивно решив да се вратам. Тоа е се што можам да кажам во овој момент“, изјави Червар, кој со Металург се наоѓа во Пореч.

Червар повеќе не е селектор на Македонија, но сеуште е актуелен тренер на Металург, но вели дека многу полесно ќе одат работите околу заминувањето од тимот од Автокоманда.

„Тоа ќе оди многу полесно, иако приказната е слична. Тука нема големи проблеми“,изјави Червар.

Според „Јутарњи лист“, Червар во петок ќе биде во Загреб каде ќе ги дефинира сите детали околу преземањето на селекторската функција.