Челзи тргнува по ѕвездата на Баерн!

Како што пренесува германскиот весник „Кикер“, англискиот шампион Челзи е силно заинтересиран за дефанзивецот на Баерн Минхен, Жером Боатенг.

Конте сака значително да ја засили одбраната за следната сезона, а поради фактот што првата мета Леонардо Бонучи е тешко остварлива, италијанскиот стратег ќе се насочи кон други цели.

Имено, како што пренесува „Кикер“ на врвот на листата желби на „сините“ е германскиот репрезентативец Жером Боатенг.

Боатенг има договор до 2021 година со баварскиот гигант, но не е задоволен од статусот кој го има кај Карло Анчелоти, па е спремен да ја промени средината.

Сепак, Челзи ќе има тешка задача да го убеди Баерн, кој сигурно нема лесно да се откаже од својот дефанзивец.