Челзи спреми 90 милиони за ѕвезда од Бундеслигата

Пандемијата со коронавирусот го запре фудбалот, но и шпекуалциите околу евентуалните трансфери во летниот преоден рок.

Челзи спрема големи засилувања ова лето, па англиските медиуми денес ја открија главната трансфер мета на „сините“, а тоа е ѕвездата на Баер Леверкузен Леон Баили.

Овој 22-годишен фудбалер веќе неколку сезони игра одлично и го привлече вниманието на многу европски гиганти. Меѓутоа се чини дека Челзи е најсилно заинтересиран за играчот од Јамајка.

Баили пристигна во Баер Леверкузен во 2017 година од Гент за сума од 13,5 милиони евра, но неговата цена неколкукратно се зголеми во последните две сезони.

За талентираниот крилен фудбалер заинтересирани се уште Баерн Минхен, Ливерпул, Арсенал и Манчестер Јунајтед.

Челзи е спремен да ја победи конкуренцијата и веќе спремил понуда од 90 милиони евра.