Челзи спрема сензационален трансфер во јануари!

Челзи игра одлично оваа сезона, лидер е во Премиер лигата, а „сините“ спремаат спектакуларно засилување во зимскиот преоден рок со кое ќе бидат главни фаворити за титулата.

Имено, англиските медиуми тврдат дека Челзи тргнува по ѕвездата на Арсенал, Алексис Санчез.

Антонио Конте смета дека Санчез би бил идеален партнер на Диего Коста во нападот, а во прилог на „сините“ им оди фактот што Чилеанецот сеуште не го продолжил договорот со Арсенал.

Сепак, прашање е колку е овој трансфер возможен бидејќи „топџиите“ ќе направат се за да спречат својата ѕвезда да премине во редовите на големиот ривал.

Санчез игра во фантастична форма и оваа сезона веќе има запишано 13 гола и 11 асистенции, а за него интерес покажува и Манчестер Сити.