Чалханоглу се пофали: Јас сум најдобриот во светот!

Хакан Чалханоглу се смета себеси за најдобар фудбалер на својата позиција, зад себе ги подреди Родри, Крос, Кимих, Енцо Фернандез…

Симоне Инзаги во редовите на Интер одлучи да му додели нова улога на Чалханоглу, турскиот фудбалер започна да игра нешто поповлечено во средниот ред и да ги креира акциите од својата половина.

Тој потег се покажа како полн погодок бидејќи Чалханоглу почна да прикажува одлични настапи.

„Претходно изјавив дека сум помеѓу најдобрите на мојата позиција, но никој не веруваше. Сепак, јас секогаш верувам и знам со каков квалитет располагам, не се плашам од ништо“.

Во следното прашање тој доби задача да ги подреди најдобрите на неговата позиција и воопшто не беше скромен.

„Чалханоглу е број еден, па потоа: Родри, Крос, Кимих, Енцо Фернандез..ретко кој постигнува голови како мене. Постигнувам голови од далечина и слободни удари“, истакна Чалханоглу.