Цела Севиља е заедно со него: Болниот Едуардо Беризо замина, ова е неговата замена

Севиља објави дека нејзиниот тренер, Едуардо Беризо утре ќе замине на операција, па водењето на тимот ќе го преземе досегашниот помошник тренер, Ернесто Маручи.

Беризо на полувремето на мечотод ЛП на своите играчи им соопшти дека му е дијагностициран рак на простата и со тоа ги мотивираше во продолжението да извлечат реми, па од 0:3, пристигнаа до конечни 3:3.

„Нашиот тренер Едуардо Беризо утре заминува на операција за ракот на простата кој му е дијагностициран пред неколку дена. Неговото враќање на клупата ќе зависи од тоа како ќе мине операција и закрепнувањето потоа. Ние како клуб сме убедени дека ќе се врати што е можно побрзо“, објави Севиља.