Хрватска не успеа да ја симне Шпанија од тронот – „црвената фурија“ европски шампион!

Репрезентацијата на Шпанија ја одбрани европската круна откако во финалето ја победи селекцијата на Хрватска со конечни 22:20.

Хрватска подобро го отвори натпреварот и во еден момент имаше три гола предност (10:7). Меѓутоа „црвената фурија“ брзо се врати во игра и успеа да го израмни резултатот, а на одмор заминаа со предност од еден гол 12:11.

Во второто полувреме Шпанија дојде и до четири гола предност (16:12), но Хрватска се врати и мечот влезе во неизвесна завршница. Во последните три минути резултатот беше израмнет, а Хрватска во последната минута имаше напад за израмнување. Меѓутоа, „коцкестите“ не успеаа да постигнат гол, па Шпанија со гол и конечни 22:20 стигна до победата.

Гомез со пет гола беше најефикасен во шпанската репрезентација, Македа постигна три. Кај Хрватите Дувњак исто така постигна пет гола.

.@AlexDujshebaev scores the winning goal and secures @RFEBalonmano ?? their second EHF EURO title#ehfeuro2020 #dreamwinremember pic.twitter.com/hNPAXYjS0B

— EHF EURO (@EHFEURO) January 26, 2020