Холандија елиминирана, Де Лихт трагичар🎥

Чешката репрезентација приреди големо изненадување на ЕУРО и ја елиминира фаворизираната Холандија (2:0) во осминафиналето.

Трагичар за „лалињата“ е дефанзивецот Де Лихт, кој направи глупост во 54-та минута, доби црвен картон и ја остави на цедило репрезентацијата.

Холандија подобро го отвори мечот, доминираше и се чинеше дека само прашање на време е кога ќе постигне гол. Меѓутоа „лалињата“ промашија неколку големи шанси на одмор се замина со резултат 0:0.

На стартот на вториот дел Холандија повторно имаше голема шанса преку Мален, кој излезе очи во очи со противничкиот голман, но не успеа да го матира.

Веќе во следната акција Де Лихт се лизна и намерно играше со рака, судијата Сергеј Карасев во консултација со ВАР му покажа црвен картон.

Петнаесетина минута подоцна Чесите ја искористија бројчаната предност и дојдоа во водство преку Холеш. „Лалињата“ не успеаа да го израмнат резултатот, а конечните 2:0 ги постави Патрик Шик

Чешка се пласира во четвртфиналето каде за противник ќе ја има репрезентацијата на Данска.