Ханзи Флик пред отказ после срамниот пораз

Германската репрезентација доживеа нов срамен пораз откако синоќа во Волфсбург на пријателски натпревар загуби од Јапонија со 1-4.

После овој пораз додатно се зголеми притисокот на селекторот Ханзи Флик, кој може да добие отказ пред ЕП.

Руди Фелер, директорот на репрезентацијата, го нарече поразот „заслужен и засрамувачки“ и не отфрли можност за промена на селекторот.

„Игравме против навистина добра Јапонија, но да се загуби со 4:1 е засрамувачки, мора да се признае. По ваков пораз, мораме да се потсобереме. Не сме во најсилните европски репрезентации, но имаме добри играчи. Мораме да се смириме, да отспиеме, па ќе видиме“, вели Фелер.