Халанд: Мој сон е да ја освојам ЛШ, Ибрахимовиќ и Роналдо се двајца феномени

Кристиано Роналдо и Златан Ибрахимовиќ се идолите на Ерлинг Халанд и негов сон е да ја освои Лигата на шампионите.

Напаѓачот на Борусија Дортмунд игра одлично оваа сезона и постигна 17 голови на 14 натпревари во сите натпреварувања. Сега Халанд откри негови примери се Роналдо и Ибра.

„Двајцата се вистински феномени. Се воодушевував кога ги гледав на ТВ. Тие се примери за мене и не само за мене, нив треба да ги следат сите млади фудбалери. Неверојатно е како играат на таков начин на толку години“, изјави Халанд.

Најголемиот сон на Халанд е да ја освои ЛШ.

„Мојот најголем сон е да ја освојам Лигата на шампионите. Сакам да победувам и освојувам трофеи со Дортмунд. Баерн во овој момент најдобра екипа на светот и ние мораме да пронајдеме начин да го кренеме нашето ниво на игра и да бидеме подобри“, порача норвешкиот голгетер.