Халанд го делат само шест гола да испише нова историја во Премиер лигата

Напаѓачот на Манчестер Сити, Ерлинг Халанд е блиску да го собори рекордот за најбрзо постигнати 50 голови во Премиер лигата.

Норвежанецот во овој момент е на бројката од 44 гола на 41 одигран натпревар во најсилната англиска конкурнеција.

Со тоа, на Халанд му се потребни само уште шест гола да дојде до 50 гола. Многу е веројатно дека рекордот ќе биде срушен затоа што досегашниот рекордер Ендрју Кол до оваа бројка дојде со 21 натпревар повеќе (65).