Фрчат казни во Интер, Лукаку организирал забава, интервенирала полицијата

Ѕвездата на Интер, Ромелу Лукаку организирал роденденска забава на која биле прекршени пандемиските протоколи, па казна заработија 23 луѓе.

„Кориере дела Сера“ информира дека полицијата дошла во хотел во центарот на Милано во три часот по полноќ и го фатила Лукаку со пријатели како слави роденден.

Вкупно се казнети 23 луѓе, а меѓу нив и ѕвездите на Интер, Ашраф Хакими, Иван Перишќ и Ешли Јанг.

На забавата биле прекршени  важечките анти-ковид мерки, па покрај казната од полицијата, сега се очекува да реагира и клубот.

Интер најверојатно парично ќе ги казни споменатите фудбалери и може да бидат изоставени за дербито против Јувентус во сабота.