ФОТО: Погледнете како синот на Роналдо го гледаше Меси додека зборуваше неговиот татко

Кристиано Роналдо синоќа во Лондон на церемонијата на ФИФА беше прогласен за најдобар играч во светот оваа година.

Португалскиот фудбалер според очекувањата ја доби наградата за најдобар играч во светот, пред конкурентите Лионел Меси и Нејмар. Ронадло зад себе има одлична сезона со Реал Мадрид и би било навистина чудо доколку тој не ја освоеше оваа награда.

Роналдо во Лондон допатува со девојката Џорџина и си својот син Кристиано Џуниор. Иако неговиот татко е најдобар во светот изгледа дека на неговиот син не му е баш интересно што има Роналдо да каже. Кога камерата го прикажа Кристиано Џуниор тој гледаше што прави Меси, бидејќи познато е дека тој е негов голем обожавател.

Иако медиумите се обидуваат да создадат слика од големо ривалство помеѓу Меси и Роналдо надвор од теренот, изгледа дека нема ниту „влакно“ од тоа. Тоа го докажа Роналдо кој призна дека неговиот син сака да го гледа Меси и дека е негов голем обожавател.