Фото: Дали ова е дресот со кој Македонија ќе игра на ЕП?

Македонската фудбалска репрезентација на претстојното Европско првенство ќе настапува со нов дрес, а пред јавноста се уште не е презентиран.

Денеска претседателот Пендаровски беше во посета на Папата Франциск, а по средбата Пендаровски на својот Фејсбук профил напиша дека Папата е прв кој го доби најновиот дрес на македонската фудбалска репрезентација.

На првите фотографии дресот беше сликан само од задната страна и на него беше испишано со кирилица името на Папата, но подоцна на социјалните мрежи се појавија и други фотографии каде се гледа и неговата предна страна.

Според тоа, најавеното дека ќе има „риз“ на предната страна изгледа не поминало, па целиот дрес е во борда боја, а на ракавите, крагната и страничниот дел каде има бели линии.

На социјалните мрежи реакциите не се најдобри, но да почекаме целиот дизајн на дресот да биде претставен и официјално од ФФМ.