Манчестер Јунајтед уште од заминувањето на Ферусон во пензија е далеку од европскиот врв.
Актуелниот тренер, Жозе Мурињо најави дека во следниот трансфер период најверојатно ќе потроши уште пари за да ја состави екипата која би можела да има поголема улога во Лигата на Шампионите.
Воздухот што нè убива: Зошто Скопје е меѓу најзагадените градови?
„TalkSport“ го анализираше сегашниот тим на Јунајтед и ситуацијата на пазарот и предвидува дека Мурињо следното лето би можел да да го доведе Иван Перишиќ. Минатото лето беше блиску до доведување на хрватскиот репрезентативец, но Јунајтед и Интер не успеаа да се договорат околу надоместот.
Британците сметаат дека Мурињо мора да ја засили одбраната, па во друштво на Ерик Баи да ги додадат Томас Муние од ПСЖ, Тоби Алдервилд од Тотенхем и Хозе Гаја од Валенсија.
Во средниот ред, во кој се меѓу останатите и Пол Погба и Џеси Лингард, Мурињо би можел да го доведе Фред од Шахтјор, а во офанзивниот дел Ромелу Лукаку и Алексис Санчез да се придружат Иван Перишиќ и Кристиан Пулишиќ од Борусија.
Учество во игри на среќа е дозволено за лица со 18+ години. Играј одговорно!