Формула 1 во Сингапур ќе се вози до 2028 година

Управата на Формула 1 денес го продолжи договорот со организаторите на трките во Сингапур на уште седум години, до 2028 година.

Сингапур беше домаќин на првата ноќна трка во 2008 година, а стазата Марина беј е популарна помеѓу навивачите на Формула 1. Последните две трки во Сингапур беа откажани поради коронавирусот.

За оваа година трката е закажана на 2. октомври.

„Сингапур има посебно место во календарот на Формула 1, а продолжувањето на соработката е дел од нашата долгорочна посветеност да продолжиме да го развиваме овој спорт во Азија“, изјави претседателот на Формула 1 Стефано Доменикали.

Оваа сезона ќе се возат 23-трки, а шампионатот започнува на 20-март со трката за големата награда на Бахреин.