Флоренци: Ако Скудетото е невозможна мисија, сакаме да ја освоиме Лигата на шампионите

За Италијанецот од редовите на „волчицата“ оваа сезона цел е освојување на Лигата на шампионите.

Рома не се наоѓа во добра позиција. Иако се спласираа во нокаут фазата од Лигата на шампионите каде што ги чека Порто, во Серија А не им оди баш најдобро.

Волчицата“ дури во последно време ја поправи формата и стигна до шестата позиција, а тимот од италијанската престолнина ќе се бори за обезбедување на место во Лигата на шампионите.

Фудбалерот на Рома, Алесандро Флоренци смета дека дека Скудетото во овој момент е недостижна цел и дека тимот треба да се фокусира да стигне до самиот крај во Лигата на шампионите.

„Потребен ни е континуитет на добри резултати, знаеме дека можеме подобро. Дури и ако знаеме дека Серија А е невозможна мисија, имаме нова цел, тоа е Лигата на шампионите. Не сакаме да го повториме минатогодишниот резултат, туку да стигнеме до самиот крај“.

„Купот на Италија исто така ни е важен, сакаме да освојуваме трофеи во било кое натпреварување“, изјави Флоренци.