Eкипата на Барселона вчера го претрпе првиот пораз во Ла Лига и тоа беше вистински дебакл од 4:2 против Осасуна.
Барселона и покрај поразот ќе остане на лидерската позиција на табелата, меѓутоа овој пораз ги покажа проблемите со кој се соочува тренерот Ханси Флик. Каталонскиот гигант има проблеми со повреди и Флик не може да смета не неколку стандардни фудбалери.
Дербија во Мадрид и Минхен: Последна шанса за Тен Хаг? ↓↓↓
По поразот германскиот стратег ја презема одговорноста на себе.
„Треба да го прифатиме овој пораз, не игравме добро, не бевме на нивото на кое треба да бидеме. Ако барате виновник, обвинете ме мене. Направив грешки, но имам одговорност и да ги заштитам фудбалерите. Некои од нив одиграа премногу минути. Во денешниот натпревар моравме да одмориме некои фудбалери, немавме други опции“, изјави Флик.
Во овој момент на списокот повредени во Барселона има дури осум фудбалери и тоа во главно се фудбалери од почетниот состав. Пред Барселона во вторник е и натпревар во Лигата на шампионите против Јанг Бојс.
Учество во игри на среќа е дозволено за лица со 18+ години. Играј одговорно!