Фирмињо на продажба, Јувентус спрема понуда

Ливерпул е спремен на лето да се раздели со својата голема ѕвезда, Роберто Фирмињо, пренесуваат медиумите на Островот.

30-годишниот Бразилец влезе во последната година од договорот со Ливерпул и клубот нема намера да му понуди нов, туку ќе го стави на трансфер листа на лето.

Од почетокот на сезоната Фирмињо имаше неколку повреди и го загуби местото во стартниот тим, а после доаѓањето на Дарвин Нуњес јасно е дека за него повеќе нема место во тимот.

Со оглед на падот на неговата форма и краткиот договор со Ливерпул, „црвените“ сметаат дека сега е вистинско време за продажба и му поставиле цена од 20 милиони фунти.

За Фирмињо интерес покажуваат неколку европски гиганти, а најсилен е интересот на Јувентус.