Финале кое сите го очекуваа: Федерер и Ѓоковиќ во битка за Синсинати

Роџер Федерер ќе игра против Новак Ѓоковиќ во финалето на Мастерсот во Синсинати откако Давид Гофин го предаде полуфиналниот меч при резултат 7-6 и 1-1 во вториот сет.

За Федерер ова ќе биде осмо финале, додека Ѓоковиќ по петти пат е финалист и Синсинати е единствениот од оваа серија кој го нема освоено.

Воедно ова ќе биде 46 меѓусебна пресметка меѓу популарниот Роџер и Ноле, а засега Србинот има мала предност од 23-22.