Фернандеш за можниот трансфер на „Олд Трафорд“: Не ме интересира!

Манчестер Јунајтед покажува сериозен интерес за играчот од средниот ред на Спортинг Лисабон, Бруно Фернандеш.

Сепак, тој истакна дека се фокусира на подготовката со португалскиот тим, а информациите за трансфер во моментов се само гласини.

„Во моментов не ме интересира тоа. Веќе зборував доволно за ова прашање. Сега мојата единствена задача е да не го пропуштам летот за турнејата во САД“, истакна Португалецот.

„Дали ова ќе биде мојата последна изјава во дресот на Спортинг? Не знам. За ова решаваат директорите. Веќе реков дека сакам да играм во Англија, но во моментов не ме интересираат гласини“, додаде Фернандеш.

Фернандеш минатото лето потпиша петгодишен договор со Спортинг, а Манчестер Јунајтед е спремен да плати 60 милиони евра за неговиот потпис.