УС Опен: Надал изгуби сет, па го прегази Чилиќ и се пласираше во четвртфиналето

Шпанскиот тенисер Рафаел Надал се пласираше во четвртфиналето на УС Опен откако изминатата ноќ го победи Хрватот Марин Чилиќ со 3:1 во сетови.

Во првите два сета видена беше голема борба. Надал го доби првиот сет со 6:3 за во вториот Чилиќ да му одговори на ист начин.

Кога се мислеше дека ќе гледаме неизвесен меч Надал уфрли во поголема брзина и го прегази Чилиќ во следните два сета. Третиот сет го доби со 6:1, а четвртиот со 6:2.

Шпанецот во четвртфиналето ќе игра против Аргентинецот Диего Шварцман кој претходно направи изненадување и го исфрли Александар Зверев со 3:1 во сетови.

Инаку, во следната фаза се пласираше и Гаел Монфис кој беше подобар од Пабло Андуар со 3:0.