Уругвајците пречекани како национални херои: Се скандираше името на Фернандо Муслера (видео)

Уругвај одигра одличен Мундијал, но сепак не успеа да стигне подалеку од четвртфиналето. Франција славеше победа од 2:0, а за вториот постигнат гол на „Триколорите“ трагичар беше Фернандо Муслера.

Натпреварот помеѓу Франција и Уругвај беше натпревар без шанси, а Французите конечниот резултат го поставија во 62 минута кога после ударот од далечина на Антоан Гризман, голманот Муслера лошо реагираше, па топката заврши во неговата мреѓа.

Франција така обезбеди место во полуфиналето каде што вечерва ќе играат против Белгија за финале на Мундијалот, додека Уругвајците беа испратени дома каде што беа пречекани како национални херои.

Најмногу овации како знак на поддршка доби токму трагичарот Муслера.

Así llegó @Uruguay @TIRANDO1010 pic.twitter.com/qH1Il7MmwA

— Rodrigo Ruiz (@RuizFr88) July 9, 2018