УЕФА ја потврди казната: Хрватска против Англија пред празен стадион

Потврдена казната на Хрватите.

УЕФА уште еднаш ја потврди казната на Хрватска поради кукастиот крст на Пољуд во пресрет на натпревар од квалификациите за Европското првенство во 2016 година против Италија. Поради тоа новото натпреварување, Лигата на нации ќе го започнат со празни трибини.

По враќањето од Светското првенство во Русија историскиот прв натпревар во првото коло од групата „А“ во Лигата на нации Хрватите ќе го играат без присуство на навивачи.

Имено, дисциплинската комисија на УЕФА уште од 2016 година го казни Фудбалскиот сојуз на Хрватска со одземање на еден бод, 100.000 евра и два натпревари во УЕФА натпреварувањата без публика.

Денес УЕФА потврди дека натпреварот помеѓу Хрватска и Англија во Лигата на нации ќе биде одигран пред празни трибини.

„Потврдуваме дека натпреварот помеѓу Хрватска и Англија во Лигата на нации ќе биде одигран пред затворен стадион“, стои во официјалното соопштение од УЕФА.