Одлична вест за Милан пред клучниот натпревар во Неапол

Во понеделник од 20.45 часот на „Марадона“ ќе се игра големото дерби од 31. коло на Серија А помеѓу Наполи и Милан, каде што ќе се одлучи кој од овие два клуба ќе остане во трката за Скудето со Интер.

Пред оваа рунда, Милан заостанува шест бода зад градскиот ривал, додека актуелниот шампион Наполи е на -7 од лидерот. Треба да се напомене и дека Интер има тежок дуел со Рома.

Навивачите на Милан добија одлична вест пред натпреварот во Неапол, а таа е дека еден од најдобрите играчи на тимот, Рафа Леао, се врати на тренинзи и би можел да биде подготвен.

Враќањето на Леао, сепак, не му гарантира место во стартната постава, бидејќи се претпоставува дека тренерот Масимилијано Алегри има дилема помеѓу него и Кристофер Енкунку.