УЕФА ја одби жалбата на Звезда: „Делиите“ не патуваат во Париз и Ливерпул

Eвропската куќа на фудбалот не ја смени одлуката.

Казната за забрана на патување на „Делиите“ на натпреварите во Париз и Ливерпул останува на сила.

Иако Црвена Звезда се жалеше кај дисциплинската комисија на УЕФА, европската куќа на фудбалот денес ја потврди својата одлука. Останува на сила саанкцијата дека Звезда не смее организирано да носи навивачи на натпреварите во Лигата на шампионите во Париз и Ливерпул, ниту на било кој начин да им продава карти.

Исто така српскиот шампион на УЕФА ќе мора да и плати парична казна од 30.000 франки поради влегувањето на навивачите на теренот во Салцбург и фрлањето пиротехнички средства на теренот.

Според дозволеното Звезда во Париз и Ливерпул може да пријави само делегација од 75 членови во која влегуваат фудбалерите и стручниот штаб.