УЕФА немаше милост: Отфрлена жалбата на Осасуна

Eвропската фудбалска Унија (УЕФА) денес ја одби жалбата на УЕФА што значи дека шпанскиот тим дефинитивно нема да игра во Европа во новата сезона.

Осасуна беше казнета со исфрлување од Европа затоа што лица од клубот беа вмешани во местење натпревари во период од 2012-та до 2014-та година.

Клубот од Памплона најави дека на одлуката ќе се жали пред Судот за спортска арбитража во Лозана.

Во изминатата сезона, Осасуна заврши на седмото место и така требаше да настапува во квалификациите за Конференциската лига. Место Осасуна, сега таму ќе игра осмопласираниот Атлетик Билбао.