Холандската компанија „Балино“ ja тужи УЕФА и технолошкиот производител Кинесон поради неовластена употреба на офсајд технологијата што ја користи ВАР, а судот за единствен патенти ќе го разгледа случајот во понеделник.
„Балино“ се обиде и да ја оспори употребата на офсајд технологија за Светското првенство во Катар 2022 година, но не успеа.
Да се биде или не за Данска и Србија! ↓↓↓
Двете страни не успеаја да најдат договор за претстојното евро во Германија, па споменатата компанија се одлучи да ја тужи европска фудбалска федерација.
Доколку „Балино“ ја добие тужбата, полуавтоматската офсајд технологија нема да може да се користи на Европското првенство во Германија.
Инаку, споменатиот систем со сензор во фудбалската топка е измислен во 2007 година од сопственикот на „Балино“, Питер Борст и поради тоа на фудбалските здруженија им е потребна негова дозвола за користење на системот.
„Веднаш стапивме во контакт со „Кинесон“, технолошкиот производител кој работи со УЕФА, и во неколку наврати се обидовме да го решиме проблемот на пријателски начин, но тие не сакаа да соработуваат“, изјави Борст за холандските медиуми, додавајќи:
„Можеби мислеа дека сме премногу мали за да се осмелиме да ја тужиме УЕФА, но ние сме горди на нашиот изум и нема да стоиме со скрстени раце додека другите го користат без наша дозвола“, порача Борст.
Учество во игри на среќа е дозволено за лица со 18+ години. Играј одговорно!