Убава приказна од Италија: Фабрегас со Комо пред промоција во Серија А!

Eдна убава приказна која ја води славниот Сеск Фабрегас може да биде испишана во вториот ранг на италијанскиот фудбал веќе во викендот кој следи.

Имено, екипата на Комо е на чекор од пласман во калчо-елитата и за тоа потребна им е само уште една победа.

Комо пред последното коло е второпласиран на табелата во вториот ранг на италијанскиот фудбал и во последното коло игра против Косенца која е на средина на табелата и овој натпревар резултатски не и значи. Ако Комо победи во тој дуел обезбедува место во Серија А.

Последен пат овој клуб во друштвото на најдобрите во италијанскиот фудбал играше во сезоната 2002/2003.

Од Серија Б кам-бек во елитата обезбеди Парма која го освои првото место. Екипата на Венеција чека евентуален кикс на Комо и со победа да го преземе второто место.