Трансфери во живо: Сити ја за израдува Барса, Конте има нова идеја, Монако НЕ сака да плати „стотка“

Трансфер периодот ширум Европа е во полн ек, трансфер шпекулациите се засилуваат од час во час, па нашата редакција благовремено ќе ве известува за сите случувања на трансфер пазарот.

– Нема само „милионерите“ добро да заработат од трансферот на Осман Дембеле во редовите на Барселона и поранешниот клуб на Дембеле, Рен ќе добие 40 милиони евра од овој трансфер. (ОВДЕ)

– Пеп Гвардиола ги изненадува фановите на Манчестер и упорно се обидува да го доведе Џони Еванс од редовите на ВБА, за неговите услуги Шпанецот е спремен да понуди 30 милиони евра. (ОВДЕ)

– Екипата на Јувентус конечно успеа да доведе замена за Леонардо Бонучи, во Торино пристигнува фудбалерот на Шалке, Бенедикт Ховедес како позајмен фудбалер со обврска „бјанконерите“ да го откупат неговиот договор идното лето за сума од 20 милиони евра. (ОВДЕ)

– Од Барселона демантираат дека нивниот клуб бил заинтересиран за Анхел Ди Марија, каталонците истакнуваат дека во овој момент нивна желба е како што им е добро познато на сите, Фелипе Кутињо од Ливерпул.

– Скаутите на Барселона го следат 19 годишниот Максим Лопез кој стручњаците го споредуваат со Чави и Иниеста, претходно и тренерот на Реал Мадрид, Зинедин Зидан имаше пофални зборови за талентираниот фудбалер.

– Спортскиот директор на Манчестер Сити истакна дека во овој момент немаат никакви и не е рално да се очекува да го доведат Лионел Меси до крајот на преодниот рок.

– Англискиот клуб ВБА успеа во своите редовите да го доведе фудбалерот на германски Лајпциг, Оливер Брук.

? Red Bull gives you wingers…#WBA pic.twitter.com/iMN14iPphP

— West Bromwich Albion (@WBA) August 25, 2017

– Антонио Конте нема намера да смета на Диего Коста, а како што пренесуваат англиските медиуми, Италијанецот е спремен да го доведе искусниот напаѓач од редовите на Свонси, Фернандо Љоренте.

– Екипата на Интер до крајот на преодниот рок ќе се обиде да се ослободи од црногорскиот напаѓач, Стеван Јоветиќ, како потенцијална дестинација на Јоветиќ се споменува тимот на Лацио.

– Во Монако не го губат времето и веќе се во потрага по замена за Килијан Мбапе кој како што стојат работите ќе премине во редовите на ПСЖ. Клубот од Кнежеството покажа интерес за Андреа Белоти, но следуваше одговор од Торино кој ја разочара управата на Монако, наводно Белоти може да замине само за 100 милиони евра, додека во францускиот клуб сметаат дека таа сума е превисока.

– Утрово од Островот пристигнува индормација дека Јирген Клоп полека се откажува од услугите на Наби Кеита кого Лајпциг не сака да го продаде, нова идеја на Германецор, е фудбалерот на Баерн Минхен, Ренато Санчез.

– После обезбедувањето на потписот на Ховедес, „старата дама“ е спремна да ги расипе плановите на Тотенхем и во своите редови да го доведе фудбалерот на ПСЖ, Серж Орие.