Тоти замина, но Рим сепак слави: Вториот миленик уште две години во клубот!

Даниеле Де Роси ќе потпише нов двегодишен договор.

Тагата која се чуствуваше во Рим после заминувањето на Франческо Тоти, веројатно ќе се претвори во радост и среќа поради веста дека Де Роси се согласил да го продолжи договорот.

„Скај Спорт“ и „Туромеркато“ пишуваат дека сегашниот договор на Де Роси истeкува на 30 јуни и дека преостанува уште многу малку до потписот на новиот договор.

Де Роси во јуни ќе наполни 34 години и токму тој е човекот кој би требало да го наследи Тоти. Првата понуда на клубот беше едногодишен договор, но се стигна до компромис, па се дојде до договор од две години.

Италианскиот ветеран во дресот на Рома одигра 561 натпревар и освои два купа, а со Италија беше светски шампион.