Тотенхем и Манчестер Јунајтед го сакаат дефанзивецот на Интер

Манчестер Јунајтед и Тотенхем  се силно заинтересирани за младиот дефанзивец на Интер, Алесандро Бастони, пренесуваат италијанските медиуми.

Конте одлично ги познава квалитетите на Бастони и сака да го донесе во своите редови, а Тотенхем се надева дека ќе ја победи конкуренцијата бидејќи за Италијанецот интерес покажува и Манчестер Јунајтед.

Интер има финансиски проблеми и ова лето мора да продаде една од своите ѕвезди, а тоа најверојатно ќе биде Бастони.

„Нероаѕурите“ за слободата на Италијанецот бараат 60 милиони евра, сума која Тотенхем и Јунајтед се спремни да ја платат.