Тешка мисија за Јувентус: Најголемата желба и нов тренер во пакет за 100 милиони евра!

Веќе две години Сергеј Милинковиќ Савиќ е желба на Масимилијано Алегри во Јувентус, а на крајот тој би можел да пристигне кога Италијанецот ќе го напушти клубот.

Позицијата на Алегри во Јувентус не е сигурна и евентуално губење на титулата во Серија А веројатно за искусниот стратег би значело само едно – отказ! „Тутоспорт“ весник кој е добро упатен со случувањата во Јувентус пишува дека поголемиот дел од навивачите веќе сега сакаат Алегри да си замине, без разлика како сезоната ќе биде завршена.

Ако навистина Алегри замине, изгледа дека прв кандидат е Симеоне Изнаги од Лацио кој од принудно решение прерасна во еден од најталентираните тренери во Италија. Работи одлично во Лацио и изгледа дека ја убедил управата дека има потенцијал да предводи клуб каков што е Јувентус.

Пред расплетот околу ситуацијата на тренерот. Јувентус наводно ќе тргне по операцијата наречена „Сергеј Милинковиќ Савиќ“, фудбалерот кој би бил најголемо летно засилување. Иако се споменува дури и враќање на Погба (за ова повеќе тука) во Јувентус се убедени дека Савиќ е подобар избор.

Токму Алегри со месеци инсистираше на доведување на Милинковиќ Савиќ, но во клубот прво не веруваа во неговата проценка, а потоа испратија понуда која Лотито ја одби. Сега Савиќ е еден од најбараните фудбалери, го посакуваат Манчестер Јунајтед, ПСЖ, Манчестер Сити и Реал Мадрид. Очекувањата се тој да го напушти Рим за сума од 100 милиони евра.

Секако доколку Алегри добие отказ и Инзаги прифати да се пресели во Јувентус, таа ситуација и тоа како би влијаела на одлукатан а Савиќ.

Сепак треба да се истакне и дека Јувентус ќе има пеколно тешка задача да се договори со Лотито поради тоа што управата на „старата дама“ веќе неколку години има нарушени односи со првиот човек на Лацио.