Тео Хернандес го одби ПСЖ, Милан го наградува со нов договор

Левиот бек на Милан, Тео Хернандес е голема желба на раководството на ПСЖ, пренесуваат италијанските медиуми.

„Светците“ испратиле понуда од 50 милиони евра за 23-годишниот дефанзивец, кој одигра одлична сезона во Милан и се промовираше во еден од најдобрите леви бекови во Европа. 

Покетино го посочил Хернандес како примарна трансфер цел, но Милан експресно ја одбил понудата и порачал дека играчот не е на продажба.

Тео Хернандес исто така ја одбил понудата на ПСЖ бидејќи сака да остане во Милано, а двете страни наскоро ќе започнат преговори за продолжување на договорот.

Тео има договор со „росонерите“ до 2023 година, но Милан ќе му понуди двојно зголемување на платата.