Тен Хаг „пикирал“ два нови стопери

Англиските медиуми пишуваат дека тренерот Ерик Тен Хаг сака секој ден да го искористи максимално, па поради тоа ќе почне прво со ремонт на одбраната, а веќе им се заблагодарил на Ерик Баи и Арон Ван-Бисака, додека се очекува да го продаде и Виктор Линделоф.

Откако ќе се ослободи од нив, Тен Хаг сака да го купи Пау Торес од Виљареал, а не би требало да имаат проблеми да ги договорат личните услови.

Тоа не е единствен стопер кој сака да го купи Тен хаг, затоа што тој планира да остане со Рафаел Варан и Хари Мегваер, но во екипата се очекува да пристигне и Демирал.

Аталанта мора да го откупи за 20 милиони евра од Јувентус, а се шпекулираше дека нема да го направи тоа по неуспешната сезона, па таа ситуација може да ја искористи премиерлигашот.