Талески: Се виде дека полицаецот има намера да ме удри

Финалето во ракометниот Куп на Македонија помеѓу Вардар и Еурофарм Пелистер го одбележа инцидентот кога полицаец со пендрек го удри Филип Талески.

Талески доби удар со пендрек во глава од полицаец, а сега ракометарот тврди дека намерно бил удрен.

„Наеднаш дојде од позадина и со пендрак замавна со цел да ме удри. Да не бев јас, можеби ќе беше некој друг играч, но се виде дека со намера го направи тоа, да употреби сила. Навистина не знам како е можно од полицаец да добијам удар со пендрек. Не направив ништо за тоа да го заслужам. Во шок сум, како и целата ракометна јавност во Европа“.

„Тие сцени го обиколија целиот ракометен свет. Добив многу пораки за поддршка. Исто така, верувам дека надлежните органи ќе си ја завршат работата во овој случај. Верувам дека такви работи нема да се случуваат во иднина“, изјави македонскиот репрезентативец