Изминатата вечер во НБА лигата се одиграа четири натпревари.
Тимот на Оклахома оствари шеста победа во низа во НБА лигата. После Шарлот, Сакраменто, Лејкерси, Кливленд и Бруклин овој пат падна Вашингтон со 121:112. Фантастичен во оваа победа беше Расел Вестбрук кој натпреварот го заврши со 46 поени, шест скокови и исто толку асистенции.
Исхрана, повреди и тренинг – совети од доктор по спортска медицина | Уште еден поткаст
Неговиот соиграч Адамс стигна до дабл-дабл (12 поени и 10 скокови) додека во редовите на Вашингтон одличен беше Бил со 41 поен и 12 скокови, Вал натпреварот го заврши со 21 поен и 12 асистенции. Но, сепак тоа не беше доволно да го избегнат четвртиот пораз во последните пет меѓусебни натпревари.
Актуелниот шампион Голден Стејт ја совлада Минесота со 126:113 и така стигна до шестата победа во последните седум натпревари. Во овој натпревар своја вечер имаше Дурант кој стигна до трипл-дабл (28 поени, 11 асистенции и 10 скокови), додека во редовите на Минесота најдобар беше Тоунс со 31 поен и 11 скокови.
Втора победа во низа запиша и Сакраменто на Флорида против Мајами каде што славеше со 89:88. Мајами имаше 10 поени предност во последните седум минути (81:71), но Кингси успеаа да се вратат и на крајот да слават со поените на Де’Aрон на три секунди пред крајот. Најдобар во победничкиот тим беше Хиелд со 24 поени, додека Рендолф стигна до дабл-дабл (10 поени и 10 скокови).
Трет пораз во низа доживеа Њу Јорк овој пат од Денвер со 118:130. Харис со 23 поени и Јокиќ со дабл-дабл (18 поени и 19 асистении) ги разбија Никси, кои беа предводени од Бесли со 21 поен и Бурк со 18 поени и 11 асистенции.
Учество во игри на среќа е дозволено за лица со 18+ години. Играј одговорно!