Стигна потврда од Пекинг: Интер НЕМА пари за засилувања!

Она што се најавуваше сега е и потврдено, повеќе нема надеж за „арапско сценарио“.

Владата во Пекинг ќе ја продолжи забраната за инвестирање за забава, а тука спаѓа и фудбалот. Поради ова навивачите на Интер немаат причина да се надеваат на поголеми вложувања во наредното лето.

Значи, клубот ќе мора повторно да продава доколку сака да доведува нови играчи. Јасно е, веднаш се пишува за продажба на Икарди и Шкриниар, фудбалери кои можат добро да ја наполнат касата.

Но, со продажбата на капитенот и откритието на сезоната во Серија А практично значи дека „неротаѕурите“ започнуваат од почеток. Тука е Брозовиќ кој е незадоволен, а овие три трансфери би донеле околу 200 милиони евра.

Евентуалниот пласман во Лигата на шампионите би донел нови средства, но не и сума со која може да го променат тимот.