Победа го ангажираше и десеттото засилување во зимскиот преоден рок, кој завршува на 11-ти февруари. Нов член на црвено-белите е долгогодишниот член на белградските црно-бели Стефан Грбовиќ.
Станува збор за млад 23-годишен дефанзивец кој настапува на позицијата десен бек и штопер а кој во Прилеп доаѓа од српскиот прволигаш Телеоптик.
Street Workout Macedonia – Движење што гради сила, карактер и издржливост | Уште еден поткаст
Тоа е клуб кој е филијала на белградски Партизан каде црно белите ги праќаат на калење сите свои талентирани фудбалери. Грбовиќ, кој е роден во Крагуевац, од 10-годишна возраст е член на Партизан, каде ги минал сите селекции на црно-белите а има повеќе настапи за младите селекции на Србија.
Со неговиот ангажман се очекува тренерот Бубања да добие квалитет повеќе на десната дефанзивна странична линија и на цврстина и сигурност во одбранбената формација на Победа. Грбовиќ утре ќе го има свфојот прв тренинг со соиграчите-од 11 часот на теренот на Могила.
Учество во игри на среќа е дозволено за лица со 18+ години. Играј одговорно!