Стартот на Премиер лигата се поблиску, а Мурињо се повеќе се – жали

Жозе Мурињо не е задоволен од поддршката на клубот на трансфер пазарот и смета дека со ваков Јунајтед, навивачите не можат да се надеваат на титула.

Мурињо има три дена до крајот на преодниот рок (во Англија завршува на 9-ти август), а во петок веќе ја започнува сезоната во Премиер лигата. До овој момент Јунајтед се засили со искусниот голман Франт, играчот за врска Фред и одбранбениот играч Далот.

„Директорот знае што сакам, има уште неколку дена и ќе видиме што ќе се случи. Другите клубови кои ни се конкуренти веќе имаат силни тимови. Вложуваат навистина многу, тука е Ливерпул и кој купува се и сешто. Ако не се засилиме, сезоната ќе биде тешка“, изјави Мурињо.

На споменатите три засилувања Јунајтед издвои околу 84 милиони евра, но на Мурињо под итно му е потребен стопер, а Португалецот сака и едно големо име во офанзивната линија. Време има се помалку и во клубот мораат брзо да реагираат.