Срна на чекор од Барселона

Хрватскиот интернационалец Дарио Срна наскоро би можел да стане член на Барселона, пренесуваат шпанските медиуми.

„Мундо Депортиво“ пренесува дека Шахтјор е спремен да го пушти без обештетување својот капитен 6 месеци пред истекот на договорот како знак на благодарност за се што направи за клубот во последните 13 години.

Според истиот извор Барса му понудила договор на 18 месеци, односно до јуни 2018 година, а Срна се согласил и недостасуваат само потписи.

Луис Енрике е во потрага по квалитетен десен бек бидејќи во моментов на таа позиција го има само Серџо Роберто, кој по природа е играч за врска.