Солсјкер проговори за Погба, но и за својата иднина!

Тренерот на Манчестер јунајтед, Оле Гунар Солскјер неодамна потпиша тригодишен договор, но не знае дали на „Олд Трафорд“ ќе остане толку долго како легендарниот Сер Алекс Фергусон.

„Пред три месеци, заостанувавме 11 бода зад 4-то место. Можеби во ноември или декември играчите не веруваа дека имаат шанса. Но, ако ја правиме нашата работа добро во останатите седум натпревари, тогаш ќе избориме пласна следната сезона во Лигата на шампионите. Што се однесува до мојот статус во клубот, не знам дали ќе останам тука долго како Сер Алекс Фергусон, но ќе продолжам да уживам додека сум тука“, изјави Солскјер.

Норвешкиот тренер потоа проговори за Пол Погба и е убеден дека Французинот ќе остане на „Олд Трафорд“.

„Пол е фино момче кој во текот на репрезентативната пауза одговори на неколку прашања за Зидан, кој е икона на францускиот фудбал и одличен тренер. Пол е среќен во Манчестер. Тимот се гради околу него и тоа не е променето“, тврди Солсјкер.

Во летниот преоден рок се очекува „црвените ѓаволи“ да бидат активни на трансфер пазарот, па Солсјкер потврди дека клубот размислува за диведување на спортски директор.

„Да, зборував со Ед Вудвард на таа тема. Бев запрашан за мислење, иако мојот збор во врска со тоа нема да биде последен. Комуникацијата со челниците на клубот е многу добра, зборуваме за многу теми, но на крајот јас не сум тој кој одлучува“.