Солскјер тврди: Погба ќе остане на „Олд Трафорд“ уште две години

Менаџерот на Манчестер Јунајтед, Оле Гунер Солскјер изрази увереност дека Пол Погба уште две години ќе остане на „Олд Трафорд“.

Неодамна Погба го привлече вниамнието на јавноста со неговата изјава дека сонува да заигра за тимот на Реал Мадрид.

Таквата изјава предизвика револт кај фановите, а сега се огласи и менаџерот Солскјер.

„Пол е наш играч и ќе биде тука уште две години. Сигурен сум дека Пол е насочен кон Манчестер Јунајтед. Тој ќе даде се од себе за себе и за клубот. Ние сакаме да го видиме најдоброто од Погба. Во следните две години, сигурен сум дека ќе го извлечеме најдоброто од него“, изјави Солскјер.

Погба има договор со „црвените ѓаволи“ до 2021 година,но клубот има опција автоматски да го продолжи договорот на уште една година.