Менаџерот на Манчестер Јунајтед, Оле Гунар Солскјер негира дека Пол Погба е несреќен во клубот и сака да ги напушти „црвените ѓаволи“, велејќи дека медиумите влијаат дека се води негативна кампања за францускиот репрезентативец.
Најпрвио самиот Погба потврди дека е спремен за нов предизвик во кариерата, а неодамна и неговиот агент Мино Раиола изјави дека Французинот сака да си замине од „Олд Трафорд“.
Пред дербито, падна најважниот потпис во Манчестер Сити! ↓↓↓
„Агентите постојано зборуваат. Како што реков, ние не сме добиле никакви понуди за него од други клубови. Тоа е се што можам да кажам за случајот. Има негативна кампања против Пол, тој е топ играч. Вистински професионалец, никогаш сум немал проблеми со него, има златно срце“, изјави Солскјер на пресконференцијата во Перт.
Солскјер исто така негираше дека дошло до расправија помеѓу Погба и Лингард. Вчера клубот објави видео, а медиумите веднаш потенцираа дека на него се гледа вербална расправија помеѓу двајцата фудбалери.
„На пример, Џеси и Пол одат еден до друг, а тоа се објаснува како расправија меѓу нив. Знам дека сте тука за да ги продадете своите приказни и да ја завршите вашата работа, но нема проблем помеѓу двете момчиња. Тие се професионалци, а нашата подготовка е многу повеќе од успешна“, заклучо Оле.
Учество во игри на среќа е дозволено за лица со 18+ години. Играј одговорно!