Советникот на Лапорта: Немојте да се изненадите ако Халанд и Меси ги видите во Барселона

Чави Ернандез ја препороди Барселона, која стана една од најдобрите екипи во Шпанија и игра одличен фудбал, а тоа го докажа и во „Ел Класико“, каде што славеше со 4-0 против Реал Мадрид.

Барселона планира да ангажира уште неколку засилувања следното лето за да може да се врати во битката за трофеи, а веќе е договорен Франк Кеси, кој доаѓа како слободен фудбалер од Милано.

Шпанските медуми постојано шпекулираат за Ерлинг Халанд од Борусија Дортмунд, но сега се појави опција и за враќање на Лионел Меси од ПСЖ. Можеби звучи нереално, но сепак такво нешто најави советникот на претседателот на Барселона.

„Халанд и Меси во Барселона? Немој да се изненадите ако се случи тоа на лето“, кажал советникот на Жоан Лапорта.