„Скај Спорт“ тврди: Реал и Јунајтед се договорија за Варан

„Скај Спорт“ пренесува дека Реал Мадрид и Манчестер Јунајтед постигнале договор за трансфер на Рафаел Варан.

Раководството на Реал Мадрид веќе се помирило со фактот дека ќе се раздели со дефанзивецот, откако Варан одби да го продолжи договорот.

„Кралевите“ сакаа да ја избегнат ситуацијата како со Рамос и да го загубат дефанзивецот без обештетување, па беа спремни да слушнат понуди.

Според информациите од „Скај Спорт“ Јунајтед за потписот на Варан ќе плати 70 милиони евра со вклучени бонуси.

Французинот сега треба да ги договори последните детали од договорот со „црвените ѓаволи“ и официјално да го комплетира трансферот.