Скапото засилување на Ливерпул се сели во Реал Мадрид

Реал Мадрид е заинтересиран за играчот од средниот ред на Ливерпул, Алексис Мекалистер. 

Шпанските медиуми шпекулираат дека „кралевите“ се подготвени да го купат Мекалистер, кој минатото лето го засили Ливерпул, а за неговите услуги ќе мора да платат околу 70 милиони евра.

Мекалистер одигра 45 натпревари за „црвените“ оваа сезона и постигна шест голови и седум асистенции во сите натпреварувања.

Доколку Крос и Модриќ повторно потпишат и останат уште една сезона на „Бернабеу“, тоа исто така може да го одложи потенцијалното потпишување на Мекалистер до следното лето. Сепак, доколку некој од нив си замине, „кралскиот клуб“ ќе ги насочи силите кон привлекување на Аргентинецот