Си ја уништи ли Лампард тренерската кариера со враќањето во Челзи?

Eдна од најлошите одлуки оваа сезона ја донесоа Челзи и Лампард кога одлучија повторно да се спојат.

„Сините“ по лошите резултати на почетокот на април го отпуштија Грем Потер и како привремено решение го доведоа Френк Лампард кој не успеа да донесе подобри резултати.

На Челзи воопшто не му оди со него на клупата, изгледа како целиот тим да ја изгубил самодовербата и ја имаа веројатно најлошата завршница на една сезона во својата историја.

Лампард Челзи го водеше на девет натпревари и оствари само една победа, со едно реми и дури осум порази. Сето тоа со тим во кој само минатиот јануари беа вложени 300 милиони евра. Челзи успеа да го победи само Бормут во 35-тото коло и да одигра 2:2 против Нотингем.

Сите останати натпревари беа порази за екипата на Лампард. Реал Мадрид во Лигата на шампионите двапати ги победи по 2:0, а во Премиер лигата губеа од Вулвс, Брајтон, Брентфорд, Арсенал, Манчестер Сити и Манчестер Јунајтед.

Кога ќе се погледнат бројките само двете последнопласирани екипи, Саутемптон и Лидс освоија помалку бодови од Челзи во истиот период.

Затоа во Лондон со нетрпение се во исчекување на Маурисио Покетино кој треба да започне голем ремонт на екипата. Кога е Лампард во прашање тешко е да се каже дали ќе има понуди по вакви резултати…